The convocation of 1370

Summary

The archbishop's mandate

[17v] Willelmus, permissione divina Cantuariensis archiepiscopus, totius Angliae primas et apostolicae sedis legatus, venerabili fratri nostro Simoni, Dei gratia Londoniensi episcopo, salutem et fraternam in Domino caritatem. Ingens et indissimulata negotiorum necessitas arduorum nedum Anglicanae concernentium utilitatem Ecclesiae, sed etiam domini nostri regis et regni sui statum, tranquillitatisque et quietis eiusdem, et bonumpublicum, ut speramus, multipliciter nos urget, licet cum fastidio praelatos et clerum nostrae Cantuariensis provinciae convocare, et ad hoc etiam faciendum, cum frequenti et assidua ipsius regni nostri instantia, breve suum recepimus sub his verbis:

Edwardus, Dei gratia rex Angliae et Franciae et dominus Hiberniae, venerabili in Christo patri Willelmo, eadem gratia archiepiscopo Cantuariensi totius Angliae primati salutem. Qualiter negotia tarn nos et statum regni nostri quam necessariam defensionem eisdem contingentia ac onera nobis propter hoc incumbent procuratoribus vestris ac praelatis in ultimo praeterito parliamento existentibus plenius exposuimus vos non latet, ad quorum onerum supportationem absque adiutorio fidelium nostrorum non sufficimus sicut scitis, per quod aliquod subsidium congruum in suppeditationem dictorum onerum a vobis et aliis de clero diocesis et provinciae vestrarum in dicto parliamento tune praesentibus nobis concedi petimus sicut urgens necessitas et evidens utilitas exposuit et nos pro dicto negotio quae salvationem tarn dictae ecclesiae quam regni nostri Angliae concernentia matiuriori deliberatione valebat expediri vobis in fide ac dilectione quibus nobis tenemini rogando mandamus quod attentis tarn tarn arduitate negotiorum praedictorum quam praedicto quo pro defectu defensionis huius verisimiliter evenire possent, et suffraganeos vestros decanos et priores ecclesiarum cathedralium, abbates et priores et alios electivos exemptos et non exemptos, necnon archidiaconos et capitula conventus et collegia totumque clerum cuiuslibet diocesis dictae vestrae provinciae ad comparendum coram vobis in ecclesia cathedrali Sancti Pauli Londoniarum vel alibi prout expedire videritis ad breviorem diem quern poteritis, more solito convocari faciatis et expositis eis dictis negotiis ibidem congruos ad aliquod competens subsidium nobis in auxilium supportationis dictorum onerum concedendum cum efficacitate mandatis et partes vestras ad hoc effectualiter apponatis, nos de qualitate subsidii illius ac de termino solutionis eiusdem certiflcando hoc sicut nos et honorem nostrum ac salvationem et defensionem regni et ecclesiae diligitis nullatenus omittatis. Teste meipso apud Westmonasterium, sexto decimo die Octobris anno regni nostri Angliae quadragesimo tertio et regni nostri Franciae tricesimo [16 October 1369].