Prologue

Summary

Que as tu dit, fole desvee? / Sez tu vers cui tu t'es donee? / Cil cuiverz est de tel nature / qu'il n'a gaires de femmes cure; / il prise plus lo ploin mester; / il ne velt pas biset mangier, / molt par aimme char de maslon; / il priseroit mialz un garçon / que toi ne altre acoler; / o feme ne set il joër, / ne parlerast pas a guichet; / molt aime fraise de vallet; / an ce sont Troïen norri. / Molt par as foiblement choisi. / N'as tu oï confaitemeant / il mena Dido malement? / Unques feme n'ot bien de lui, / n'en avras tu, si com ge cui, / d'un traïtor, d'un sodomite. / Toz tens te clamera il quite; / se il avoit alcun godel, / ce li seroit et bon et bel / quel laissasses a ses druz faire; / s'il lo pooit par toi atraire, / nel troveroit ja si estrange / qu'il ne feïst asez tel change, / que il feïst son bon de toi / por ce qu'il lo sofrist de soi; / bien lo lairoit sor toi monter, / s'il repueit sor lui troter; / il n'aime pas poil de conin. / De cest sigle seroit tost fin, / se tuit li home qui i sont / erent autel par tot lo mont; / ja mes feme ne concevroit, / grant sofraite de gent seroit; / l'an ne feroit ja mes anfanz, / li siegles faudroit ainz cent anz.