Appendix of documents

Summary

EXETER COLLEGE, OXFORD, BOX M. III

Appropriation of the church of St Gwinear in Cornwall to the dean and chapter of Exeter as the endowment of Stapeldon Hall, Oxford, 4 April, 1314

Uniuersis Christi fidelibus presentes literas inspecturis Walterus miseracione diuina Exoniensis Episcopus salutem in domino sempiternam. Primum plasma superne manus operacione formatum ante lapsum veluti paulominus creature coequatum angelice perlucidum intellectum sereni luminis acie penetrabat archana celestium et ex illuminati profunditate pectoris scientiarum noticiam optinebat; sic autem ebuit post peccatum ut quod prius libero et perspicaci capiebat intuitu postmodo obstante nubulo mundane caliginis absque medio non potuit intueri, in cuius casu humane compago nature corruptionis vulnera pertulit; suntque duris conclusa signaculis que nullo prepediente tenebrositatis obice sub intelligencie claritate patebant. Et quanto magis ex cursu temporum a primordiali formacione dilabitur, quadam efficitur fluxibilitate debilior et maiori fragilitate tabescit in variam mutabilitatem defectuum naturalium bonorum gloria permutata. Sed omnium conditoris immensa benignitas, nolens quod tarn ingenua creatura quam sue similitudini conformarat ruditate vilesceret et reparans quodammodo circa ipsam per accidens quod mortiferi gustus extitit percepcione deperditum, rudem hominem, quern ad perfectionem discretionis vix efferre naturalis racio poterat, scientiarum liberalium artium decreuit dogmatibus erudiri; sicque dono dato diuinitus plurium idiomata nationum sub diuersarum linguarum varietate diffusa in ipsarum artium disciplina et doctrina in unum conueniunt loquendi commercium latinitatis ordine literali; sic gesta patrum et principum redacta sunt et rediguntur in munimenta librorum; sic veri et falsi certamina certis racionibus et argumentis probabilibus dirimuntur;