Edward IV (1461-70; 1471-83)

Summary

The archbishop’s mandate

Willelmus, permissione divina archiepiscopus Eboracensis, [Angliae primas et apostolicae sedis legatus,] venerabili fratri nostro Laurentio, Dei gratia Dunelmensi episcopo, suffraganeo nostro, seu eius vicario in spiritualibus generali, salutem et fraternam in Domino caritatem. Breve regium sub magno sigillo domini regis nobis transmissum nuper recepimus sub eo qui sequitur tenore verborum:

Edwardus, Dei gratia rex Angliae et Franciae et dominus Hiberniae venerabili in Christo patri Willelmo, eadem gratia archiepiscopo Eboracensi Angliae primati, salutem. Quibusdam arduis et urgentibus negotiis nos, statum regni nostri Angliae ac honorem et utilitatem Ecclesiae Anglicanae intime concernentibus, vobis in fide et dilectione quibus nobis tenemini rogando mandamus quatenus praemissis debito intuitu attends et ponderatis universos et singulos episcopos vestrae provinciae ac decanos et priores ecclesiarum cathedralium abbates et priores et alios electivos exemptos et non exemptos necnon archidiaconos, capitula, conventus et collegia totumque clerum cuiuslibet dioecesis eiusdem provinciae ad comparendum coram vobis in ecclesia cathedrali Beati Petri Eboracensis vel alibi prout melius expedire videritis, cum omni celeritate accommoda more debito convocari faciatis, ad tractandum, concordandum, consentiendum et concludendum super praemissis et aliis quae sibi clarius exponentur tune ibidem ex parte nostra. Et hoc sicut nos et statum dicti regni ac honorem et utilitatem ecclesiae praedictae diligitis nullatenus omittatis. Teste rege apud Westmonasterium quarto die Iunii anno regni nostri secundo [4 June 1462].

Quocirca, reverende pater, tenore praesentium peremptorie vos citamus ac priorem ecclesiae vestrae cathedralis Dunelmensis et capitulum eiusdem universosque abbates [et] priores alios etiam electivos, exemptos et non exemptos, archidiaconos, decanos, capitula, conventus et collegia, clerumque vestrarum civitatis et dioecesis per vos citari in virtute oboedientiae volumus et mandamus quod vos reverende frater dictique abbates, priores, archidiaconi et decani personaliter, conventus vero capitula et collegia huiusmodi per procuratores suos singulos, clerusque per duos procuratores sufficientes et idoneos ab ipsis conventibus, capitulis, collegiis et clero legitime deputatos, in ecclesia nostra cathedrali Beati Petri Eboracensi, primo die mensis Septembris proximo futuro [1 September 1462] cum continuatione et prorogatione dierum subsequentium et locorum, quatenus opus fiierit, coram nobis seu locumtenentibus commissa[338r]riis seu commissario in ea parte deputatis seu deputato compareatis et compareant quilibet eorundem super his quae regem et regnum, statumque et libertatem nostrarum ecclesiae, dioecesis et provinciae Eboracensium ibidem exponi contigerit una nobiscum vel cum nostris locumtenentibus commissariis aut commissario huiusmodi aliisque praelatis dictae nostrae provinciae tractaturi, vestrum ac suum consilium sanum super praemissis et ea concernentibus impensuri, his etiam quae ibidem concorditer ordinari contigerit,