The convocation of 1314

Summary

The archbishop's letter to the king, proposing a convocation

Mon tres ch[er] Seigneur, pur ces que vous m'avez avant mande que jes vous certefie touz jours des novelles que jes pourroi saver et oir, a vostre haute Seigneurie face a savoir que les novelles sont si diverses devers les parties de Kent, que jes ne puis entendre queles sont veritables et queles non. Par quoi, Seigneur, jes su molt eschieu de les vous mander. Mais certainement, mon Seigneur, jes soi bien que ceux qui viegnont de dela marchauntz pelerins et altres countent diversement de la venue ma dame et de mon Seigneur vostre filz, qui sera proscheinement a tost apres la chandeloure, a ces qu'ils diont. Et ouseque eure le roi de Boheme et le counte de Henaud3 et plusours altres dues et countes et que leur navy est prestement pervoeure en divers lieux en Normandie et en la seigneurie le counte de Henaud. Mais ces n'est nye, Seigneur, molt creable chose que le roi de Fraunce voille aventurer sa graunt avoir ne si grant custayes mettre, saunz altre enchesour. Mais Dieu qui totu siet et veyt en pou doure purra tot ces la tourner et ordeyner sa volunte a salvete du royalme et de son people. Et mon tres cher Seigneur, jes soi bien que vous mesmes savetz nuelz quoi cestes novelles amountent que nul altre. Et nomement par vos gentz demeyne que sont venuz de dela. Par quoi mon tres cher Seigneur, jes requier vostre tres chere Seigneurie, s'il vous plest, que jes enpusse ascune chose savoir de celes novelles, qu'ils vous ount reporte, quent il vous plerra. Mon tres cher Seigneur, a ces jour de hui oi counter que la countesse de Pembroke5 est unquore en Engleterre et demoert a Wengham en attendaunt son condust que ne estoit nye unquore venuz. Endroit des bulles, mon Seigneur, que me sont avenu et que co’ purront, Seigneur, touchier del droit de vostre coroune, les frai, si Dieu plest, Seigneur, solonc ces que vous m'avez mande a vostre honour.