The convocation of 1463

Summary

Acts of the convocation

Convocatio praelatorum et cleri Cantuariensis provinciae facta per reverendissimum in Christo patrem et dominum Thomam, Dei gratia Cantuariensem archiepiscopum, totius Angliae primatem et apostolicae sedis legatum, in ecclesia cathedrali Sancti Pauli civitatis Londoniarum, sexto die mensis Iulii anno Domini millesimo CCCCLXIIItio, indictione undecima, pontificates sanctissimi in Christo patris et domini Domini Pii, divina providentia papae secundi, anno quinto, et translationis eiusdem domini archipeiscopi anno nono.

The mandate of the bishop of Winchester to the archdeacon of Winchester

[77r] Willelmus, etc., dilecto nobis in Christo filio archidiacono nostro Wintoniensi aceius officiali salutem, etc. Literas reverendi in Christo patris ac domini Domini Thomae, Dei gratiae Londoniesnsi episcopi quarto die instantis mensis Iunii recepimus tenorem habentes hie sequentem:

Reverendo in Christo patri ac domino Domino Willelmo permissione divina Wintoniensi episcopo, Thomas, permissione divina Londoniensis episcopus, salutem et fraternae dilectionis continuum incrementum. Literas reverendissimi in Christo patris ac domini Domini Thomae, permissione divina Cantuariensis archiepiscopi, totius Angliae primatis et apostolicae sedis legati, nuper recepimus sub eo qui sequitur tenore verborum:

Thomas, permissione divina Cantuariensis archiepiscopus, totius Angliae primas et apostolicae sedis legatus, venerabili confratri nostro Thomae, Dei gratia Londoniensi episcopo, salutem et fraternam in Domino caritatem. Literas domini nostri regis sigillo suo sigillatas nuper recepimus in haec verba:

Edwardus, Dei gratia rex Angliae et Franciae et dominus Hiberniae reverendissimo in Christo patri Thomae eadem gratia archiepiscopo Cantuariensi totius Angliae primati salutem. Quibusdam arduis et urgentibus negotiis nos et statum regni nostri Angliae ac honorem et utilitatem Ecclesiae Anglicanae intime concernentibus, vobis in fide et dilectione quibus nobis tenemini rogando mandamus quatenus praemissis debito intuitu attentis et ponderatis universos et singulos episcopos vestrae provinciae ac decanos et priores ecclesiarum cathedralium, abbates et priores et alios electivos, exemptos et non exemptos, necnon archidiaconos, capitula, conventus et collegia totumque clerum cuiuslibet diocesis eiusdem provinciae ad comparendum coram vobis in ecclesia cathedrali Sancti Pauli Londoniarum, vel alibi prout melius expediri videritis, cum omni celeritate accommoda, modo debito convocari faciatis, adtractandum, consentiendum et concludendum super praemissis et aliis quae sibi clarius exponentur tune ibidem ex parte nostra, et hoc sicut nos et statum regni nostri ac honorem et utilitatem ecclesiae praedictae diligitis nullatenus omittatis. Teste meipso apud Westmonasterium, vicesimo septimo die Maii anno regni nostri tertio [27 May 1463].