The convocation of 1640-1

Summary

Upper house

[95] Session 1. Wednesday 4 November 1640

Die Mercurii, quarto videlicet die mensis Novembris anno Domini 1640, regnique serenissimi in Christo principis et domini nostri, Domini Caroli, Dei gratia Angliae, Scotiae, Franciae et Hiberniae regis, fidei defensoris etc., anno decimo sexto; reverendissimus in Christo pater et dominus, Dominus Gulielmus, providentia divina Cantuariensis archiepiscopus, totius Angliae primas et metropolitanus, mane inter horas octavam et nonam ante meridiem eiusdem diei, a manerio suo de Lambeth in comitatu Surriae, in naviculo suo dicto vulgo ‘a barge’ ad ripam dictam ‘Paul's Wharf, Londoniis applicuit, et inde in curru sive vehiculo ad palatium episcopale London venit.

Ac paulo post, idem reverendissimus pater, amictu et habitu suis vestitus, ab advocatis, procuratoribus et ceteris ministris suis curiae praedictae, ad ostium boreale ecclesiae Paulinae, iuxta palatium episcopale Londoniis antedictum, et inde in ecclesiam cathedralem Sancti Pauli Londoniarum praedictam ductus firit. Ibique ad dictum ostium venerabiles viri Thomas Winniffe, sacrae theologiae professor, decanus necnon Henricus King, Iohannes Montfort et Thomas Turner sacrae theologiae professores, canonici residentiarii ecclesiae cathedralis et ad ostium insulae australis chori eiusdem ecclesiae, ceteri ministri eiusdem ecclesiae superpelliciis induti, eum praestolabantur et ad chorum ipsius ecclesiae per dictum ostium insulae australis chori perduxerunt; comitantibus eum episcopis suffraganeis provinciae suae Cantuariensis, similibus habitibus indutis, et ibidem in stallo decani collocatus fuit. Ceterisque episcopis suffraganeis provinciae Cantuariensis, habitibus suis in huiusmodi negotio convocationis solitis et consuetis indutis, stallis praebendariorum, ex utraque parte dicti chori, sedentibus; ac consequenter decantato per ministros chori praedicti hymno ‘Te Deum laudamus’ etc., lectaque capitulo pro lectione secunda istius diei et aliis precibus matutinis iuxta formam liturgiae peractis et alio hymno ‘Lord grant the king a long life, etc’ cantato venerabilis vir Isaacus Bargrave sacrae theologiae professor, decanus ecclesiae cathedralis et metropoliticae Christi Cantuariensis, suggestum [96] in medio chori positum ingressus fuit.

Ac ibidem contionem venustam et eloquentem sermone Latino ad patres ac populum et clerum praesentes habuit; accepto pro themate versibus primo et secundo capituli quarti epistolae prioris ad Corinthios videlicet: ‘Sic nos existimet homo ut ministros Christi et dispensatores ministeriorum Dei. Hie iam quaeritur inter dispensatores it fidelis quisque inveniatur.’